तू अशी अबोल

दोघांचं बोलणं म्हणजे दंगा मस्ती

खुप काही चेष्टा आणि नखरेच जास्ती

बोलशील हसत आणि करशील शांत

मला गप्प बसवणे हा तुझाच प्रांत

संपत नसत बोलण आपलं

तरीही ठेवावा लागतो फोन

बोलणं एकेकदा होतही नाही

नेमकं गायब असतं कोण?

किती बालिश पण सच्च्या गोष्टी

एकमेकांना आपण असतो सांगत

अनेकदा तर लहान असूनही आपण

समजूतदारपणे असतो वागत

आज तू वाटलीस जरा शांत

हरवली होतीस स्वतःच्या मनात

तरीही आपलं बोलणं झालं

शांत का हे लक्षात नाही आलं

कशी रे तू अशी वेगळी मस्त,पण

स्वतःला ठेवतेस विचारांत व्यस्त

अशी एकटी अबोल नको बसू फक्त

आहेस तशीच आवडतेस सर्वांना जास्त

Vj

10 सप्टेंबर 2017

पुणे

भेट तुझी

आज ते पुन्हा भेटले...,

त्याच बोलणं ती ऐकत होती

स्वतःला ती सावरत होती

मनात चिंता खूप विचार

पण सांगायला ती घाबरत होती

त्याने ओळखलं मनातलं

जवळ गेला आणि थोडस हसला

तिची समजूत काढत जवळच बसला

आहे मी सोबत नेहमी तुझ्या

तिला धीर देत थोडस हसला

नको रडू रे आठवणीत तू

काय केलाय गुन्हा सांग तू?

माझ्यासाठीतरी पूस हे डोळे

नकोत मला ते किंचितही ओले

क्षणात तिने मान हलवली

डोळे पुसत पाहू लागली

'नाही मी रडत कधीच' म्हणत

मानाचा मोठेपणा दाखवू लागली.

तोही हसला आणि तीही हसली

डोळ्यात तिच्या एक लकेर चमकली

त्याने हात पसरताच ती

जवळ येऊन त्याला बिलगली.

- Vj