काही तरी बोल ना

 काही तरी बोल ना

दिवसेंदिवस तुझा हा दुरावा

कधी येऊन संपावशील?

प्रेमाचे चार शब्द एकवूनी

पुन्हा मला आपलंसं करशील

तयारच आहेत कान माझे

मन ही आतुर झालंय

हरवून जाऊदे स्वतःला आता

पाणी ही दाटून आलंय

रडवा चेहरा नाही रे हा

आनंदाचे इशारे आहेत

बोलणार तू पुन्हा म्हणून

दुःखांवर ताशेरे आहेत

शब्दांच्या तारेवर झुलव मला 

मधुर वाणी ऐकव ना

दुरावा संपवून ये पुन्हा अन

काही तरी बोल ना

काही तरी बोल ना...Vj

:- स्व

कोल्हापूर,

०२/०३/२०२१

नको भेद

 भेद नको मुलामुलींत

खूप वेळा ऐकलंय

जाणते अजाणतेपणी

भेद होताना पाहिलंय

 मुलगी म्हणून हे ते नको

मुलगा असेल काहीही चालतं

नावालाच हो सारं काही 

परंपरा म्हणत पांघरून घालतं

 शिक्षण आपण देतो मुलींना

पण काम करू देतो का?

मुलींना नाही जमणार म्हणत

मागे आपणच ओढतो का?

आवड निवड तर लांबच राहूदे

निर्णयात देखील आपली मत्तेदारी

तिला काय कळतंय लग्नातल

नवरा निवडण आपली जिम्मेदारी

त्यांनाही आहे विश्व स्वतःच

नवं उभारी त्याही घेतील

उज्वल भवितव्य घेऊन हाती

अभिमानाने मग नाव कमावतील... Vj

:- स्व

कोल्हापूर

३१/०७/२०२०

नजरेत तुझ्या राहूदे

 नजरेत तुझ्या राहूदे

तुझं असणं दिसणं बोलणं चालणं

 सारं सारं पाहू दे

आयुष्यभरासाठी मला तू 

नजरेत तुझ्या राहूदे

तुझं हसणं लाजणं लाजून पाहणं

पुन्हा पुन्हा होऊन जाऊदे

आयुष्यभरासाठी मला तू 

नजरेत तुझ्या राहूदे

तुझं चिडणं रुसणं रुसून बसणं

मला तुला मनवु तर दे

आयुष्यभरासाठी मला तू 

नजरेत तुझ्या राहूदे

तुझं क्षणाच भेटणं भेटून बिलगणं

एकमेकांत हरवून जाऊदे

आयुष्यभरासाठी मला तू 

नजरेत तुझ्या राहूदे...Vj

:- स्व

कोल्हापूर

१४ जानेवारी, २०२०