तुझ्यासाठी सुचलेल्या ओळी
जेंव्हा तूच वाचतेस,
तेंव्हा मन खूप बिथरून जात
कारण प्रत्यक्षात तू समोर नसतेस।
वाचून त्या ओळी ज्या तुझ्याच आहेत
काय वाटलं असेल तुला ज्यात स्वतःच आहेस
राहिला असेल काय संपूर्ण प्रसंग तुझ्या समोर
की गेल्या असतील ते स्मरणीय क्षण गुदमरून।
खरच बिथरून जातो मी या अश्या प्रश्नांनी
ज्याची प्रश्नसुद्धा तूच आहेस आणि उत्तरे सुद्धा तूच
वाटत जे होत ते यावं पुन्हा नव्याने आयुष्यात
पण आता आहे त्यात का करावा असा अट्टाहास।
वाटत रे खूप पण आता वाटण्याला सुद्धा मर्यादा आहेत
घेऊन स्वप्ने नवी नाती, संकटांना तोंड देत जगायचं आहे।
जुन्यातच रमत बसलो तर वर्तमान काय म्हणेल?
फक्त विचारच करत बसलो तर भविष्यातही हाती काही नसेल.
तुझ्यासाठी सुचलेल्या ओळी जेंव्हा तूच वाचतेस,
तेंव्हा मन खूप बिथरून जात कारण प्रत्यक्षात तू समोर नसतेस।
दे पुन्हा साद मला तू पेटून आता उठू दे
तुझ्या शब्दांना सोबतीला घेऊन भरारी मला घेऊ दे।
तुझ्या शब्दांना सोबतीला घेऊन भरारी मला घेऊ दे।...vj
