वसुंधरेसाठी.....

वसुंधरेसाठी

निसर्गाची सोडून साथ,

त्यालाच आम्ही दम देतोय.

करेल किती सहन तो ही,

आपले अस्तित्व दाखवून देतोय..

Image Source : Facebook

केली कत्तल बेसुमार या,

आम्हालाच पोसणाऱ्या झाडांची.

हवे नवे बंगले अन सुविधा,

हौस आम्हाला गाड्यांची..

मुजवून टाकू समुद्रसुद्धा

टाकुनी भर खडकांची,

वाटेल भीती त्यालासुद्धा

भल्या मोठ्या या दगडांची..

प्रदूषणावर बोलावे काय

त्याचीही आता हद्द झाली,

फुकट मिळणारी हवा आता

पैसे देऊन मिळू लागली..

माणसाला कधी समजणार 

चूक त्याच्या स्वार्थाची,

समतोल सारा बिघडवू लागलो

बाजू घेऊन व्यर्थाची..

निसर्ग तरी बसेल का शांत

तोच त्याचे उत्तर देईल,

सहनशक्ती च्या उद्रेकावर

सर्वांनाच निसर्गात सामावून घेईल..

चला, आता पुढे येवुया 

घेऊनी शपथ पृथ्वीची,

पापं फेडूनी करू तयारी

वसुंधरेला वाचवायची..

पापं फेडूनी करू तयारी

वसुंधरेला वाचवायची...Vj

:- स्व,

१० एप्रिल, २०२०

कोल्हापूर