शिवपुत्र शंभू

छ्त्रपती श्री संभाजी महाराज

गडगडाट मेघांचा करीत आसमंत भरून आले

हिंदवी स्वराज्य रक्षिण्या शिवपुत्र शंभू झाले..

साकार ते स्वराज्य ज्यांच्या करी पूर्ण झाले

अश्या वाघराच्या पोटी छावा शंभूराजे जन्मले..

करीत रक्षण स्वराज्याचे शास्त्र सोबत रचिले

बुधभूषण नायिकाभेद अन किती ते दाखले..

युद्धनीती पारंगत लढवय्ये ते धुरंधर

किल्यांसोबत मिळीवला मुलुख समींदर..

पराक्रमी अंगी अन भाषांवरही अधिकार

बालपणीच ग्रंथ लिहिला होऊन शब्दांवर स्वार..

कोणाची टाप ती जो करेल नजरा वर

आदर्श असा राजा तो शुभ्र अवतार..

धन्य ही मायभूमी असे रत्न इथे जाहले

हिंदवी स्वराज्य रक्षिण्या शिवपुत्र शंभू झाले.

हिंदवी स्वराज्य रक्षिण्या शिवपुत्र शंभू झाले...

:- स्व, 

१४ मे, २०२०

पन्हाळगड, कोल्हापूर